Зачленете се во нашиот клуб на читатели и најновите текстови ќе ги добивате на вашата мејл адреса
Утре ќе се врши прскање од комарци на територијата на Општина Куманово. Доколку дозволат временските услови аерозапрашувањето ќе се одвива во периодот од 5 до 7 часот, во спротивно ќе биде пролонгирано за наредниот ден во истиот период.
Од особено значење се и временските прилики, бидејќи прскањето ќе нема ефект доколку времето е врнежливо, велат од Општината.
Истовремено се предупредуваат пчеларите да ги заштитат своите пчелни семјства во одреденото време.
Прскањето ќе го изведе фирмата „Бони-ер„ која го добила тендерот како најповолен понудувач.
Годинава ова е прво аерозапрашување во градот, а во наредниот период се очекуваат уште неколку.