500x100-1
06. 06. 2019 16:56

Реконструиран Зелениот пазар во Куманово

Реконструиран Зелениот пазар во Куманово

Со пари од европски проект за прекугранична соработка реконстуиран е Зелениот пазар во Куманово.

 Преку проектот „Одржлив пазар на свежи земјоделски производи на земјоделци од прекуграничната област во општините Куманово и Гњилане“, обезбедени се 324.000 евра, за двете општините. Министерството за локална самоуправа учествуваше со 15 проценти од вкупната сума за реализација на кумановскиот проект. 

Градоначалниците на  Куманово и Гњилане потенцираа дека целта на проектот е да се подобрат условите на пазарот за трговците, но и за крајните потрошувачи, граѓаните.

„Со тие пари успејавме да направме делумна реконструкција на Зелениот пазар, и тоа да го сменивме старите азбесни плочи на покривот кој протекуваше, ги реконструиравме санитарните јазли и обезбедивме мобилни тезги за потребите на пазарот и манифестациите во градот. Со оваа инвестиција ги подобривме условите како за граѓаните, така и за луѓето кои работат на пазарот, - изјави градоначалникот Максим Димитриевски.

Директорот на ЈП „Пазариште„ Илир Саити, вели дека проектот е големо значење за нивното претпријатие, бидејќи ќе го разубави пазарот и ќе ги подобри условите за работа.

Оваа успешна имплементација на овој европски проект е уште еден поттик и мотив да аплицираме на други проекти, - изјави Саити.

Градоначалникот најави дека подготвуваат нива апликација со градоначалникот на Гњилане за инфраструктурни проекти, а комуникацијата ќе ја подобри отварањето на новиот граничен премин Белановце- Станчиќ на македонско-косовската граница, во општина Липково.