Зачленете се во нашиот клуб на читатели и најновите текстови ќе ги добивате на вашата мејл адреса
Денеска започнува реконструкција на улиците „Среќко Пужаљка“ и „Чупино Брдо“, кои се наоѓаат во близина на гимназијата „Гоце Делчев“.
Од секторот за урбанизам, комунални дејности и заштита на животната средина и природата при Општина Куманово, ги информира граѓаните дека додека трајат градежните работи ќе биде блокиран сообраќајот на двете улици.
Со цел да се изведат што е можно побрзо градежните зафати ги молиме граѓаните да ги отстранат моторните возила од улиците, - апелираат од општината.
Улиците „Среќко Пужаљка“ и „Чупино Брдо“, се едни од најфреквентни во градот, бидејќи поврзуваат две основни училишта, едно средно и една градинка. Асфалтот на улиците беше и порано оштетен, но заради поставување на новата канализациона мрежа улицата беше целосно ископана, па зимоска не можеше да се помине по неа од вода и кал.