Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад во Куманово вечерва ќе се одржи традиционалната музичка манифестација „Рома-труба фест“.
Sвезда на вечерта ќе биде пејачката Стојне Николова, која ќе ја отпее химната на Ромите „Џелем, џелем“, а ќе настапи и Ристе Ристевски од Охрид, учесник на Гранд звезди, со оркестарот на Џамбо Агушев.
Оваа година за првпат ќе ни гостува Тони Димитровски од Битола, кој е врвен музичар кој живее во Австралија. Ќе учествуваат пет најдобри оркестри од Србија кои учествувале на Гуча: „Кристијан Трајковиќ“, „Исидор Зечевиќ“,„Владимир Ивановиќ“, „Елвис Дејвид Бајрамовиќ“, „Мартин Салијевиќ“. За првпат оваа година ќе имаме и оркестар „Преслан“ од Бугарија, потоа „Кемал Асанов“ од Струмица. Концертот на Џамбо Агушев ќе трае повеќе од еден час, - изјави Самет Салиевски, претседател на Ансамблот на народни ромски игри и песни „Рушит Шакир“, организатор на фестивалот.
Специјален гостин ќе биде Ферус Мустафов, кој е уметнички директор на фестивалот.
Секој оркестар ќе има од 20 до 30 минути програма пред публиката. Имаме квалитена програма, и на љубителите на блех музиката ќе им понудиме добра забава, затоа ги повикувам граѓаните да дојдат во што поголем број, - повика Салиевки.
Фестивалот се одржува една вечер, и ќе биде со ревијален карактер.