Зачленете се во нашиот клуб на читатели и најновите текстови ќе ги добивате на вашата мејл адреса
Поголемиот дел од угостителите во градот утрово не ги отворија локалите во знак на протест против Законот за заштита од пушењето што стапи на сила од 1 јануари.
Триесетината сопственици кои ја потпишаа петицијата останаа доследни и не ги отворија своите објекти за гостите. Тука се пред се нејпосетуваните локали „Корзо“ „Зафир“ „На-Ма“, „Интермецо“, „Клуб“ и другите поголеми угостителски објекти. Имаме подршка и од сопствениците Албанци, од кои поголемиот дел го подржаа протестот - вели Дејан Зец, еден од организаторите на протестот во Куманово.
На својот став остана и сопственикот на „Ирскиот паб“, кој денеска вообичаено си работи. Тој вчера изјави дека од лични причини го подржува Законот за пушење, но нема ништо против протестот.
Протестот под мото „Дајте им право на избор на нашите гости“ го организира Стопанската комора на Македонија, во сите градови во државата, поради ригорозниот Закон за пушење кој им ја намали работата.