Зачленете се во нашиот клуб на читатели и најновите текстови ќе ги добивате на вашата мејл адреса
Граѓаните на Куманово се жалат дека, иако се' уште не е почната грејната сезона, веќе неколку вечери по ред Куманово е меѓу најзагадените градови во државата.
Тие велат дека секојдневно се палат гуми, пластика и кабли на секои 20 метри, почнувајќи од Спомен Костурница, па се' до Проевце, а во пределот на "Мај маркет" велат дека дури и не може да се дише.
„Дали како човечки битија не' заслужуваме барем чист воздух да дишеме. Згора на сето ова се сечат дрвја. Како ќе застанеме пред нашите баби, дедовци кои веќе немаат сила да се борат со овие отрови. Што родителите ќе им дадат на своите деца кога првиот процес на живот што е воздух им е сотрен од нашата целокупна несвесност. Ова е апел до целиот град, не можат надлежните сами да го средат овој хаос“,- вели Сара Александровска.
Мерната станица синоќа покажуваше 1132 мг/м3. Максималната дозволена вредност е 50 микрограми ПМ10 честички на кубен метар воздух.
Граѓаните сметаат дека покрај палењето на гуми и друг отпад, сериозни предизвикувачи на загадувањето е прекумерната употреба на стари возила, но и градежните работи во центарот на градот, а мерната станица се наоѓа во дворот на Општата болница Куманово.
Тие апелираат до Општината, овој проблем да го сфати сериозно и да најде решение.