Зачленете се во нашиот клуб на читатели и најновите текстови ќе ги добивате на вашата мејл адреса
Советничката група на ВМРО-ДПМНЕ, на наредната седница на Советот на Oпштина Куманово ќе предложи подигање на споменик во чест на осмината полицајци, кои загинаа во Диво Насеље.
Ова го соопшти членот на извршниот комитет на ВМРО-ДПМНЕ, Игор Божиновски, по одржување на панихидата за загинатите бранители во црквата „Свети Никола“.
„Ги повикуваме советниците од СДСМ и градоначалникот Максим Димитриевски да излезат од партиската рамка и да го поддржат овој предлог за Република Македонија и нејзините храбри синови. Македонија никогааш нема да ги заборави своите херои: Жарко Кузмановски, Ненад Серафимовски, Сашо Самојловски, Бобан Ивановиќ, Горан Илијевски, Исамедин Османи, Љубиша Аранѓеловиќ и Горан Стојменовиќ ќе останат засекогаш врежани во македонската колективна меморија, како луѓе кои несебично се ставија во одбрана на својата татковина и заштита на Уставниот поредок на Република Македонија“, - изјави Божиновски.
Тој истакна дека голема е жртвата и на останатите припадници на МВР кои биле ранети и учествувале во акцијата. Божиновски ги обвини Зоран Заев и Оливер Спасовски дека свртеле грб на државата и граѓаните кога еден ден по антитерористичката акција се сликале на местото каде своите животи ги положиле осмината припадници на МВР.