Во Куманово прогласена епидемија на мали сипаници, 15 болни

Во последната недела се регистраирани 7 нови случаи, а предходно од почетокот на месецот се имаше 8 заболени од мали сипаници. Меѓу новозаболените се едно 6,5 годишно дете, прваче во основно училиште кои престојувало во целодневен престој во градинка и двајца здравствени работници на детското одделение во Кумановската болница. Од вкупниот број на заболени 11 се од Општина Куманово, а четворица од селата во Општина Липково. Според старосната структура: 7 заболенини се до 1 годишна возраст, 1 заболено е на 6, 5 годишна возраст, тројца се на возрас од 20 до 29 години и четворица од 30 до 39 години.    

„Од страна на епидемиолошката служба на Центар за јавно здравје Куманово, континуирано ја следиме епидемиолошката состојба со мали сипаници и се преземаат мерки и активности на терен. Тоа се однесува на навремено пријавување на заболените од страна на матичните лекари и на одделенијата на Општа болница Куманово, изготвуваме епидемиолошки анкети, а пред се нашата активност е насочена кон откривање на контактите на заболените. Тоа е проверка на вакциналниот статус, доколку контактите не се вакцинирани се врши нивно вакцинирање. Направени се епидемиолошки увиди во сите градинката, како и во училиштето каде детето ја посетува наставата. Дадена е информација за какво заболување се работи, направена е дезинфекција и проверка на вакциналниот статус. Невакцинираните деца се повикани да се вакцинираат, а во план е вакцинација и на сите здравствени работници на детското и инфективно одделение, кои не се вакцинирани. Од новозаболените, само една мајка не е вакцинирана, шесмесечното бебе не подлежи на вакцинација, а сите останати се комплетно вакцинирани. Оние кои се вакцинирани се со поблага клиничка слика и без компликации, но поради високата контагиозност односно заразност и циркулирање на вирусот, сепак имаме заболени и со две примени дози на вакцина“,- изјави Јадранка Стаменковска, епидемиолог во Центарот за јавно здравје Куманово.

    Во сите градински дадена е препорака децата кои не се вакцинирани да не се примаат во установата, додека во училиштата се проверува вакциналниот статус и се врши теренска имунизација. Во Општата болница Куманово, се воведени посебни мерки, а тоа е забрана за посета, тријажа на пациентите и зголемена дезинфекција.

   Лекарите очекуваат дека во наредниот месец ќе има зголеммена појава на новозаболени, но се надеваат дека доколку се следат нивните препораки и се почитуваат мерките на превенција за ширење на заразато, бројот на новозаболените ќе биде помал.