Новинарите заслужуваат подобар статут и статус Новинарите од Регионалоаниот центар Куманово, вчера го рагледуваа новиот нацрт-статут на Здружението на новинарите на Македонија. Новинарите од Куманово своите забелешки во однос на изборната регулатива, односно поголема застапеност на новинарите од Регионалните центри во органите и телата на Здружението.
Дел од администрацијата ќе работи секоја прва сабота во месецот Подрачните единици на Министерстото за земјоделство и МВР, Управата за јавни приходи, Управата за водење матични книги и Центрите за социјална работа, започнувајќи од месец април, ќе работат секоја прва сабота во месецот од 8.30 до 16.30 часот.
Пролетта ги разбуди екологистите Со доаѓање на пролетта, започнуваат и подготовките за еколошките акции. Вчера во ситео сновни и средни училишта, симболично беа засадени зимзелени садници во дворовите. Истовремено течат и подготовките за акцијата - Ден на дрвото - засади ја својата иднина.
Исчистени дивите депонии во Младо Нагоричане Општината Старо Нагоричане по повод Денот на Екологијата вчера превзеде активности за чистење на дивите депонии во општината. Чистењето беше изведено на релација од Зебрњачки пат до школото во Смиљчинци - Младо Нагоричане.
Запуштените ромчиња да се сместат во Дневен центар Министерството за труд и социјална политика да отвори дневни центри за згрижување на децата кои се препуштени на питачење, за да им се обезбедат основни условни за живот и да се тргнат од улица.
Продолжува акцијата за озеленување на градот ЈП „Чистота и зеленило„ ја продолжува започната акција за хортикултурно уредување на градот. Екипите интензивно работат на озеленување на површините на Градкиот плоштад со зимзелни садници и грмушки и пролетно цвеќе.
Делови од градот без вода Поради дефекти на водоводната мрежа денеска без вода за пиење ќе останат дел од населбите „Јане Сандански„, „Карпош„ и улицата „Моша Пијаде„, кај кафеаната „Два Елена„.
Свеченост за Денот на крводарители По повод 17 Март Денот на крводарителството, Црвениот крст во Куманово во петок ќе организира Свечена академија каде ќе бидат поделени благодарници на најдобрите крводарители.
Крводарителска акција во СДСМ Општинската организација на СДСМ во соработка со Црвениот крст и Заводот за трансфузиологија, денеска организира крводарителска акција. Акцијата ќе се одржи во просториите на СДСМ во зградата на Комитет со почеток во 14 часот.
ПИОМ присилно ќе ги наплаќа старите долгови 1030 даночни обврзници во Куманово имаат заостанати долгови кон Фондот за ПИОМ за 2008 година. Сите кои нема да ја измират обврската до крајот на април ќе им биде извршено присилно наплаќање.
Во Куманово нема венчавки за викенд Матичното одделение во Куманово три месеци не работи за викендите, и се венчава само во работните денови. Новото работно време е воведено од почетокот на годината кога Матичното преминало во Министерството за правда и со тоа на матичарите им се укинал намоместот за прекувремената работа,а добиле право сами да одлучат кога ќе ја закажат венчавката на идните сопружници.
Стечајците ќе одат кај Фуере Стечајците во вторник нема да протестираат пред Владата. Причината е немање финансиски средства со кои ќе треба да се плати превозот до Скопје. Претставници на стечајците во понеделник ќе се сретнат со Евро - Амбасадорот Ерван Фуере за да му ги соопштаат своите барања.
Жители од Карпош бараат асфалтирање на улица Жителите од улицата „40“ во населбата „Карпош“ денеска со протест го изразија нивното незадоволство што со децении наназад немаат канализација и асфалтирана улица. Тие бараат од општинските власти улица да влезе во годишната програма за реконструкција и што побрзо да да добие асфалт.
Кумановци ќе помогнат на поплавените во Струга Две лица со два камиона и пумпи за црпење на вода, денеска заминале во Струшкиот регионот за да помогнат во справување со поплавите што ги предизвика Охридското езеро.
УЈП: Даночни пријави ќе се примаат и за викенд Даночните одделенија на Управата за јавни приходи ќе работат и за врме не викендот, бидејќи во понеделник истекува крајниот рок за поднесување на Годишна даночна пријава за 2009 година.
Несудените азиланти стигнаа дома Триесетина жители од Кумановско - липковскиот регион синоќа се вратија дома, откако не успејаа да добијат азил во Белгија. Со автобус во 18 часот пристигнале кај бензинската пумпа на „Макпетрол„ на влезот во Куманово, за да ги избегнат новинарите.
