Божиновски во УО на Стопанска комора Виктор Божиновски, директор на ЈП „Водовод“ од вчера е нов член на Управниот одбор на Стопанската комора на Македонија. Божиновски е избран на предлог на претседателот на СКМ Бранко Азевски.
Од Белгија се враќаат првите азиланти Од Белгија денеска тргнувал првиот автобус со лица од кумановско-липковскиот регион кои не добиле азил и сега се враќаат дома.
Дваесет и втора седница на Совет Советот на Општината Куманово утре ќе ја одржи дваесет и втората-редовна седница. На дневен ред ќе се најдат 12 точки,а ќе се расправа за годишниот извештај и завршната сметка на локалната самоуправа, финансискaта помош за работа на пречистителната станица,формирање на Фондација за култура и спорт и други.
Снежна мeќава во Куманово Снегот што утринава почна да паѓа од пладне се интензивира.Вистинска снежна меќава го зафати градот и предизвика проблем на пешаците и возачите. Снежната покривка достигна 8 сантиметри и во март ги изненади граѓаните.
Осми март- Меѓународниот ден на жената Празникот на жената се одбележува од 1910 година. На втората Меѓународна конференција на жените социјалистки одржана во Копенхаген на иницијатива на Клара Цеткин е решено овој ден да се празнува во чест на демонстрациите на жените ширум светот во 1903 година, кои се одржаа под паролата „Борба за општо право на глас“.
Го киднапирале за долг Поради неисплатен долг С.Д.(32), Т.Т.(28) и С.Н.(30) сите од Куманово минатата недела го киднапирале Т.Б(24) на улицата Димитрије Каранфиловски во дворот на неговата куќа.
За насилство на децата не треба да се молчи Првата детска амбасада во светот „Меѓаши“ започна кампања под мото „За насилството не треба да се молчи“, која има цел да ја информира јавноста за насилството на кое се изложени децата во Македонија.
Подобри услови за живот на лицата со хендикеп Републичкиот центар за поддршка на лица со интелектуална попреченост во соработка со „Хендикеп Инетернационал“ и техничка поддршка од амбасадата на САД, денеска одржаа работен состанок со претставници од локалната власт и невладиниот сектор.
Кумановската болница со нова донација од САД Донација вредна 480.000 американски долари, пристигна во кумановската болница.Апарати неопходни за гинекологија, хирургија, нервното одделение и друга техничка опрема и материјали ќе ги подобрат услугите на пациентите.
Фуере: Економскиот развој е најзначаен за земјата Освен тоа што треба да се најде начин и да се спречат граѓаните да бараат азил во земјите од ЕУ, државата мора да поработи и на економскиот развој во Липковскиот регион, но во исто време да внимава и на најзагрозената категорија граѓани, на стечајците - изјави евроамбасадорот Ерван Фуере при денешната посета на Општина Куманово.
Признание од ЕУ за помош на поплавените во Албанија Општината Куманово доби посебно признание од ЕУ и амбасадорот Ерван Фуере за обезбедената помош на поплавените градови во Албанија.
Жените на ДПСМ ќе бираат ново раководство Активот на жените на Демократската партија на Србите во Македонија од Куманово, вечерва во големата сала на поранешен Комитет ќе одржат редовно избирачко Собрание на кое ќе биде избрано ново раководство.
Соработка на гимназиите во регионот Ученици од гимназијата "Гоце Делчев" ќе учествуваат на манифестацијата "Денови на науката" што на 5 март ќе се одржи во Ниш, Р. Србија. 43 ученика заедно со своите професори ќе го претставуваат градот на регионалните натпреварувања.
Жителите на Липково добија Одделение за социјални работи Во Општината Липково беше предадено во употреба Одделение за социјални работи. Отварањето на подрачното одделение што ќе биде сместено во зградата на Општината ќе се овозможи граѓаните на Липково побрзо и поефикасно да ги остварат правата од социјална заштита.
Куманово виа Белгија Околу 5 илјади жители на Куманово и Липково заминале во западноевропските држави во последните 2,5 месеци, откако стартуваше визната либерализација во државата. Најголем број од граѓаните патуваат на печалба во Белгија и Франција, а во помал број заминуваат и во скандинавските земји, Норвешка и Шведска.
АРМ го одбележа формирањето на Трета МУБ Во касарната "Христијан Тодоровски Карпош",Здружената оперативна команда и командата на Третата пешадиска бригада денеска ја одбележаа 66 годишнината од формирањето на Третата Македонска народноослободителна ударна бригада.
