Автобуската и Железничката станица мора да се реновираат

29.04.2014 00:00 | KumanovoNews

Интервју Зорана Андоновиќ, средношколка во “Јахја Кемал Колеџ“ Скопје

Автобуската и Железничката станица мора да се реновираат

 интервју Зорана Андоновиќ, средношколка во “Јахја Кемал Колеџ“ Скопје


Автобуската и Железничката станица мора да се реновираат

Што не ви се допаѓа во Куманово?

Во Куманово не ми се допаѓа нечистотијата, фрлени отпадоци, контејнери кои се оставени на сред улица, сообраќаен метеж, недостиг на тротоари, а и постоечките во добар дел се зафатени со паркирани возила и отворени контејнери со ѓубре околу нив, па пешаците се приморани да се движат по коловозот.

Што би смениле во градот?

По пример на европските градови би требало да се постават контејнери за селектирање и рециклирање на разни видови отпад со што ке се подигне еколошката свест на граѓаните, а истите да се постават на точно определени места, надвор од коловозите и тротоарите. Со тоа би се избегнал и ризикот по здравјето на граѓаните, особено децата. Сообраќајниот метеж би можел да се реши со катна или подземна гаража во центарот на градот што потполно би ја сменило сликата на нашиот град.

Каде ќе прошетате гостин кој прв пат доаѓа во Куманово?

Секој што прв пат доаѓа во Куманово, се разбира, мора да го види плоштадот, легендарната “Тумба” и “Батко Ѓорѓија”, како и кејот кои се гордост на градот. Тука се историските места “Спомен Костурница”, “Кокино”, Пелинце, како и угостителски објекти со традиционална македонска кујна.

Што не би покажале на пријател кој прв пат доаѓа во градот?

Пријател што првпат доаѓа во градот не би сакала да го види просторот околу Зелениот пазар, просторот околу Спортската сала, Автобуската и Железничката станица, кои навистина треба што поскоро да се реновираат.

По што Куманово е посебно и се разликува од другите градови?

Куманово е еден од поголемите градови во Македонија, а кумановци се познати по ведриот дух, смислата за хумор и специфичниот дијалект. Куманово е на некој начин раскрсница меѓу Србија и Бугарија, и предност е што е најблиску до главниот град Скопје. Последнава година се отворија повеќе клубови и има забава за младите.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk