×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Горд сум што го зборувам дијалектот на моите предци

    22.04.2012 15:53 | KumanovoNews

    На Срѓан Ивановски, претседател на Унија на млади сили на ВМРО-ДПМНЕ му сметаат раскопаните улици и сообраќајниот хаос, но горд е што го зборува дијалектот на неговите предци

    Горд сум што го зборувам дијалектот на моите предци

    Што ве нервира во Куманово?

    Во Куманово, како граѓанин на овој град, ме нервираат валканите улици, исто колку и раскопаните и неасфалтирани улици во централно градско подрачје, сметот и недоволната грижа за еколошките потреби на граѓаните во развивањето и функционирањето на градот. Ми смета и сообраќајниот хаос, особено во летниот период, кога печалбарите се враќаат на летен одмор дома.

    Што би смениле во градот?

    Во градот најпрво би требало да се променат многу работи што ќе донесат поквалитет живот на младите, за да тие своето знаење, образование, креативност и енергија ја употребат во својата општина.Да придонесат за подобар живот и на останатите граѓани.

    Што никогаш не би покажале на пријателот што прв пат доаѓа во Куманово?

    Никогаш не би сакал да ги види раскопаните и каллива улица, особено ако се наоѓаат во централното градско подрачје, а ние мораме да поминеме по нив за да дојдеме таму кај што сме тргнале. Расфрлан смет од контејнер на улица и насобрани кучиња скитници околу него, не би сакал да ги види некој од страна. Затоа, секогаш барам некое алтернативно решение, друг излез од таквата ситуација, се со цел пријателот да не види каква е моменталната состојба во одредени сегменти од урбаното живеење во градот.

    Од што се срамите?

    Најискрен и директен ќе бидам во одговорот на оваа ваше прашање, а тоа е дека најповеќе се срамам од споменикот на плоштадот Батко Ѓорѓија, кој е симбол на Куманово. Не верувам дека многу кумановчани ќе се согласат дека симбол на нашиот град е токму Батко Горѓија, или ако сакате, по тоа дека сме препознатливи. Куманово низ годините наназад имало и ќе има луѓе, кои можат да бидат симбол на градот, далеку препознатливи, и кои ги положиле нивните животи за слобода и за развој на нашата Општина.

    Со што се гордеете?

    Се гордеам со тоа што живеам во најголемата локална самоуправа. Најголемата општина во нашата држава. И тоа што зборувам на еден специфичен дијалект во секојдневна комуникација со луѓето, дијалект кој го зборувале моите предци, кој е и малку необичен и малку повеќе различен од останатите говорни подрачја во државата.

    Што го прави Куманово поинакво од другите градови?

    Се работи за најголема единица на локална самоуправа во Република Македонија и има многу места, многу капацитети, кои би можеле да бидат посетени од луѓе кои за првпат доаѓаат во нашиот град. Тоа е и предноста од повеќето помали градови, во тоа е и разликата. Од тоа и нашата општина е поинаква од останитите општини од нашата држава.

    Во Куманово луѓето имаат доста места каде што можат да го поминат своето слободно време, да направат мала прошетка низ градот, да се релаксираат и добро да се забавуваат затоа што кумановчани важат за ведар шеговит народ и за доста гостопримливи домаќини.