×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Куманово и околината изобилуваат со неафирмирани знаменитости

    10.05.2012 22:00 | KumanovoNews

    Габриела Младеновска, наставник по македонски јазик во ОУ„11 октомври“

    Куманово и околината изобилуваат со неафирмирани знаменитости

    Што не ви се допаѓа во градот?

    Не ми се допаѓа хигиената и мислам дека виновни се граѓаните затоа што нивната свест не е развиена. Излетнички места треба да има повеќе за да можеме кога е убаво времето да одиме со учениците на излет. Секогаш има работи кои можат да се поправат. Понатаму не ми се допаѓа премногу густиот сообраќај. Не кажувам кој е виновен, сепак има метеж.

    Што не би му покажале на пријателот кој првпат доаѓа во градот?

    Сум била во таква ситуација многу пати. Би го одвела да прошета на Кејот на реката и на булевар Октомвриска револуција, низ центарот на градот и во делот на населба Гоце Делчев. Тоа се најубавите делови од нашиот град, урбани. Не би го покажала делот што почнува од автобуската станица. Тој дел е премногу валкан и не е добар да се претстави на некој кој доаѓа од страна.

    Од што се срамите во градот?

    Се срамам кога ќе чујам како луѓе пцујат искрено. Тоа мене многу ми пречи како на граѓанин или кога се изговараат погрдни зборови. Тоа некултурно однесување ми паѓа во очи. Во градот се чувствува преголема напнатост. Луѓето се под стрес. Исто кај вработените во јавните претпријатие ми пречи арогантното однесување.

    Со што се гордеете?

    Се гордеам со знаменитостите на мојот град. Во Куманово се кренале две востанија. Има градот богато историско минато.Тоа го отсликува духот на непокорот. Од другите градови Куманово е поинакво бидејќи тука живеат повеќе националности и такво е и училиштето каде што јас предавам. Тоа е карактеристика на Куманово. Македонија има многу убави места. Можам да кажам изобилува со знаменитости. Сум ги посетила скоро сите места во земјава, некои приватно, некои професионално. За туризам тоа не е доволно. Треба инфраструктура, сместувачки капацитети, и пред се љубезност од угостителите. Од моите впечатоци мислам дека фали љубезност. Тоа е најслабата алка.