Зачленете се во нашиот клуб на читатели и најновите текстови ќе ги добивате на вашата мејл адреса
Има измени во протоколот за влез на македонските граѓани во Грција, согласно известувањето од грчките гранични служби од граничниот премин „Евзони“, информира МВР.
„Од денеска (19.06.2021 година), од 06.00 часот на ГП „Евзони“, освен со ПЦР тест не постар од 72 часа, Сертификат за примена вакцина (со поминати 14 дена од втора доза) и доказ за прележан ковид-19 (од 2 до 9 месеци), влез на наши државјани се дозволува и со негативен брз тест за ковид-19 не постар од 48 часа“, соопштува МВР.
Деца до 12-годишна возраст не им е потребен негативен тест, а постари од 12 години треба да поседуваат брз или PCR тест. Електронската најава на сајтот www.travel.gov.gr за прибавување на ПЛФ документ е задолжителна.
Како и досега, на ГП „Евзони“ Грција нема да се дозволува влез од 22.00 часот до 06.00 часот по македонско време.
Зачленете се во нашиот клуб на читатели и најновите текстови ќе ги добивате на вашата мејл адреса
