Рокот на употреба на вакцината „Фајзер“ секаде во светот е продолжен од 6 на 9 месеци, а не само кај нас

Не е вистинито тврдењето во постот дека С.Македонија сама решила да го продолжи рокот на фајзеровата вакцина и дека тоа не е случај никаде во светот каде што вакцините се фрлаат. Напротив, Македонија е само една од земјите кои глобално го прифатиле фактот што производителот по своите истражувања, утврдил дека ако не е одмрзната, вакцината може да се користи до 9 месеци од датумот испишан на опаковката. Кај нас тоа е направено во координација со Европската агенција за лекови (ЕМА) и Агенцијата за лекови и медицински средства МАЛМЕД, по претходно одобрение издадено од европскиот медицински регулатор, односно  ЕМА

Грипот и настинките не се регистрираат како ковид-19 за да се создаде лажна пандемија

Ковид-19, болеста која ја предизвикува коронавирусот, постои и е реална и не станува збор за лажна пандемија. Тоа го потврдуваат секојдневните бројки на заболени луѓе и починати од вирусот низ целиот свет во последната година и половина.Тоа што симптомите на грипот и ковид во одреден дел може да се слични, не значи дека настинка, грип и ковид се една иста работа. А со оглед дека симптомите за сите овие три заболувања се слични, тестирањето и натаму е најдобрата опција за да се утврди од што е некој заразен. ПЦР тестот исклучиво го пронаоѓа коронавирусот и тоа според единствено за Сарс Ков 2 специфични гени – N и E. Овие гени во грипот ги нема. Значи, нее можно на ПЦР панел за детекција на коронавирусот, да биде детектирана инфлуенца или обратно – со тестови за детекција на инфлуенца да биде детектиран коронавирус

Во Австралија судиите не се ослободени од вакцинација

Судот во Викторија како независен од извршната власт, самиот се организира и самиот си носи одлука да одржува судења само кога сите учесници се целосно вакцинирани. Судиите не покажуваат отпор кон вакцинацијата. Фактот што владата на Викторија не е онаа што го наметнува задолжителното вакцинирање за судиите, туку тоа го прават тие самите, е тоа што во Австралија се сака да се обезбеди поделба на власта и немешање во извршната во судската власт

Поради печатна грешка, книга за омикрон-варијантата влезе во барабанот на теории на заговор

 „Вистиномер“ не најде ниту еден доказ дека книгата постоела пред декември 2021 година. Таа ексклузивно се појавува на Амазон за продажба на 5 декември 2021 и има уникатен код за издаваштво познат како интернационален стандарден број на книга од 13 цифри кој се користи за идентификација на книги. Бројот на книгата открива дека станува збор за книга што авторката ја објавила сама (self-publishing). Понатаму, не постојат никакви податоци за копирајтинг на оваа книга во 2020 година. Корицата има дури и чуден наслов на кого му недостасува еден збор, а внатрешноста изобилува со печатни грешки. Иако оваа верзија на книгата не е достапна на Амазон, друга верзија со истиот наслов и автор се појави на сајтот на 16 декември 2021 година. На оваа поправена верзија од книгата, се вели дека копирајтингот е направен во 2021 година

Вакцините не можат да ве разболат од ковид-19

Коронавирусот е респираторен вирус кој се пренесува преку контакт со заболено лице, односно преку неговите респираторни секрети кои се распрскуваат во вид на ситни капки кога заразениот кашла и кива, преку плунка или течење од носот. Вакцината против ковид-19 никако не може да ве зарази со коронавирус. Вакцината не содржи никаков жив или активен дел од вирусот ковид-19 и нема да предизвика позитивен тест со кој се тестира активна инфекција со ковид-19. Факт е дека вакцината штити од разболување со коронавирусот, од тешки хоспитализации и смртен исход, а тоа го покажува и статистиката во С. Македонија

Демонстранти во Ирак, прикажани како вакцинирани луѓе со експлодирани глави по вклучување на 5Г мрежата

(Внимание: видео клиповите, линкувани подолу во овој напис, содржат вознемирувачки кадри и слики и не се препорачуваат за лица под 18 години)

ПЦР тестот не е неточен и не е судски дискредитиран

Во објавата се тврди дека судски е потврдено оти ПЦР тестот е неточен при детектирање на коронавирусот. За вакво ударно и драматично тврдење не може да се најде никаква потврда или доказ. Пребарувањата на Гугл за ваква судска одлука не даваат резултати ниту на македонски јазик, ниту на англиски јазик. Да е навистина донесена ваква судска одлука тоа ќе го објавеа сите медиуми и не само што ќе го објавеа, туку ПЦР тестот ќе престанеше да се користи. Ама, тоа не е така. ПЦР тестот и во моментов се користи кај нас во сите овластени лаборатории, како државни така и приватни, но и насекде во светот

Омикрон варијантата на коронавирусот не означува команда за срцев удар

Методата искористена во постот што го рецензираме, да се земат првичните букви од два неповрзани поими (OMI и Cron) и базирано на нивните дефиниции да се тврди дека ќе добиете срцев удар, бидејќи сте вакцинирани, е во најмала рака манипулативна и без темел во реалноста. Светската здравствена организација почна да ги именува новите варијанти на ковид-19 според буквите од грчката азбука, за да избегне создавање јавна конфузија и стигма на некои држави. СЗО ги прескокна двете букви пред омикрон – „Nu” и „Xi”, што доведе до шпекулации дека за „Xi” причината е името на кинескиот претседател кој се вика Xi Jinping,  додека пак, „Nu” лесно може да се помеша со зборот „new“ – „нов“ на англиски

Не е вистина дека различни серии од вакцината на „Фајзер“имаат различен состав

Во видеото паушално се тврди дека различни серии од вакцината на „Фајзер“ имаат различен состав и дека од одредени серии има процентуално повеќе починати пациенти. Вакцината на „Фајзер“ е иста во сите држави, се произведува во контролирани процеси и од националните влади и од интернационалните регулатори и од самиот производител.  Дополнително, ВАЕРС не смее да се користи како индикатор на смртност кај населението, или пак, како индикатор за опасност на некоја вакцина

Не е вистина дека се врши присилна вакцинација и дека нè трујат

Вакцинацијата во земјава, како и секаде во светот, е бесплатна и е на доброволна основа за сите возрасни групи, кои можат да се вакцинираат. Според тоа, никој нема законска или каква било основа да присили некого да се вакцинира против ковид-19. Во екот на пандемијата со коронавирусот масовно се злоупотребува теоријата на заговор дека од авиони се фрла вирусот или дека нè прскаат со отровни хемиски супстанци кои ги предизвикуваат симптомите на ковид-19. Ваквите тврдења се категорично отфрлени од научната заедница. Нема никакви докази дека наводните хемиски патеки се нешто различно од нормалните, вообичаени траги од кондензација кои ги оставаат авионите кои летаат на голема височина под одредени атмосферски услови

мРНК вакцините немаат влијание врз бојата на млекото на мајките доилки

На објавата ѝ недостига контекст, односно важната информација од Упатството на ВАЕРС како да се толкуваат подтоците коишто се објавуваат во системот. Извештаите до ВАЕРС можат доброволно да ги достават сите, вклучително и давателите на здравствени услуги, пациентите или членовите на семејствата. Извештајот за несакан настан до ВАЕРС не е доказ дека вакцината е причина за тоа. Тестирањето на млекото на мајките кои примиле „Фајзер“ или „Mодерна“ вакцина, не открило мРНК во нивното млеко. Синото мајчино млеко обично е знак дека млекото е со малку маснотии, слично како обезмастеното млеко

Не е точно дека Владата го разгледувала предлогот вакцината против ковид-19 да стане задолжителна

Од Министерството за здравство демантираа дека се размислува вакцината против ковид-19 да стане задолжителна. По завршувањето на седницата, Владата информираше дека е усвоен предложениот План за задолжителна имунизација за 2022 година, а  во него не е предвидено вакцината против ковид-19 да се воведе како задолжителна

Рокот на употреба на вакцината на „Фајзер“ е продолжен од 6 на 9 месеци

Во ноември 2021 година МАЛМЕД објави писмо до здравствените работници во кое ги информира дека рокот на фајзеровата вакцина е продолжен од шест на девет месеци и дека новиот рок за употреба е одобрен и од европската агенција за лекови ЕМА. Од Министерството за здравство уверуваат дека вакцините се безбедни и покрај новиот рок. Македонија не е единствената држава каде што вакцините на „Фајзер“ имаат продолжен рок на траење на девет месеци. Такво нешто се случило и во САД – во Мичиген, Ајова и во градот Њујорк вакцините на „Фајзер“ се администрираат со истиот продолжен рок на користење. Израел уште во август минатата година реши да го продолжи рокот на фајзеровата вакцина за три месеци, под услов таа да не е одмрзната од ултра студените минус 90 степени

Народот боледува од омикрон варијантата на коронавирусот, а не од отровни вакцини

Не е вистина дека симптомите од омикрон варијантата на коронавирусот се нусефекти од „отровна вакцина“. Вакцините не содржат отрови, тие се сигурни, ефикасни и развиени на безбедни платформи. Пред нивната апликација спроведени се низа тестирања од кои е утврдено дека бенефитот од вакцината далекусежно ги надминува несаканите ефекти. Омикрон сојот на коронавирусот е настанат со мутирање на вирусот при што се случува промена на спајк протеинот кој е сменет 32 пати. Ова ја прави омикрон варијантата позаразна, иако засега нема доволно информации да се каже со сигурност каква клиничка слика предизвикува

Не е точно дека вакцинираните се „магнет“ за омикрон

Споделената данска студија во постот го тврди спротивното, односно дека зголемена трансмисија на омикрон сојот има повеќе кај невакцинираните лица во однос на вакцинираните. Најдовме зголемена трансмисија кај невакцинираните лица и намалена трансмисија кај лицата кои се бустер-вакцинирани, во споредба со целосно вакцинирани лица, пишува во студијата

Вакцините не се причина коронавирусот да мутира и лага е дека луѓето се разболуваат од вакцините

Вакцините не предизвикуваат да се разболите со коронавирусот, бидејќи ниту една одобрена вакцина не содржи активен вирус. Напротив, вакцината против ковид-19 ги заштитуваат граѓаните од тешка форма на болеста и ја намалува хоспитализацијата и смртноста