Зачленете се во нашиот клуб на читатели и најновите текстови ќе ги добивате на вашата мејл адреса
Во Старо Нагоричане утре /5 мај/, на платото пред црквата „Св. Ѓорѓи“ ќе се одржи традиционалната манифестација Ѓурѓовденски сабор. Официјалниот програма ќе започне во 18 часот и ќе трае до доцна во ноќта.
„Програмата ќе ја отворат КУД „Карпош“, огранок Старо Нагоричане и гостите КУД „Никола Вапцаров“ од Делчево. Подоцна ќе настапи музички бенд со две пејачки, за една голема и масовна забава. Како и секоја година за гостите ќе го подготвиме познатиот специјалитет - бик на ражен. Минатите неколку години имавме голем број на посетители, па ќе бидат поставени и маси, веруваме дека гостите ќе бидат задоволни“, истакна Иван Марковиќ, член на организациониот одбор.
Покровител на настанот е Општина Старо Нагоричане, а бикот на ражен, како и целокупната програма, е спонзорство на овогодинешниот кум.
Прославата на Ѓурѓовден се совпаѓа со големиот христијански празник Велигден.
(фото. Ѓурѓовденски сабор 2023)
Зачленете се во нашиот клуб на читатели и најновите текстови ќе ги добивате на вашата мејл адреса
