Детската градинка „Детелинка“ од Крива Паланка ги проширува капацитетите

19.03.2021 16:05 | KumanovoNews

Со надградба на нов кат на објектот во централното градско подрачје, Детската градинка „Детелинка“ од Крива Паланка ги проширува и подобрува условите за престој, згрижување и воспитување на најмладите.

Детската градинка „Детелинка“ од Крива Паланка ги проширува капацитетите

Со изградбата на новиот кат, капацитетот на оваа установа ќе се зголеми за 100 нови корисници.

Градежните активности интензивно се одвиваат и се очекува до крајот на мај објектот да биде целосно завршен.

Инвестицијата изнесува 23.500.000 денари обезбедени од Министерството за труд и социјална политика.

Во изминатиот период, после цели 40 години, извршена е и целосна реконструкција на објектот на ул. „Свети Јоаким Осоговски“ со замена на кровната конструкција, термоенергетска фасада и нова столарија. Вложени се 93.000 долари, а средствата се обезбедени од УНОПС.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk