Донација од 33 таблети за ученици од социјално ранливи семејства во Крива Паланка

26.01.2021 12:39 | KumanovoNews

На иницијатива на Фондацијата „Со срце за Крива Паланка“ и во соработка со Општина Крива Паланка, денес беа донирани 33 таблети за двете основни училишта од општината, за ученици чии семејства спаѓаат во социјално ранливи категории.

Донација од 33 таблети за ученици од социјално ранливи семејства во Крива Паланка

Таблетите ги донираа општествено одговорните компании „Макпетрол“ АД Скопје и „Ескаватори МК“ Дооел Скопје.

„ Како локална самоуправа континуирано превземаме активности и се трудиме да овозможиме услови сите ученици да можат да ја следат наставата „онлајн“ и во таа насока Општината од сопствени средства веќе додели лаптоп за петочлено семјство од Крива Паланка, а со днешната донација  уште 33 ученика ќе имаат можност непречено да ја следат  наставата“, - изјави градоначалникот Мицевски и изрази голема благодарност до Фондацијата „Со срце за Крива Паланка“ како и до компаниите донатори.

Оваа донација е наменета за 13 ученика  ООУ „Јоаким Крчовски“ и 20 ученика од ООУ „Илинден“.

Општина Крива Паланка претходно доби донација  и од 15 таблети од компанијата „Еколог интернационал“.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk