×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Импресум
  • Маркетинг стратегија
  • Понуда за рекламирање

  • Flex Credit

    Донирано противпожарно возило за Крива Паланка

    22.07.2021 13:49 | Жаклина Цветковска

    Противпожарната заедница на општина Загорје на Сава, Словенија, донираше противпожарно возило за ТППЕ од Крива Паланка, во знак на добрата соработка и споделување на искуствата.

    Донирано противпожарно возило за Крива Паланка

    „Донацијата е значаен придонес во зајакнување на капацитетите на нашата противпожарна единица. Во изминатите неколку години, континуирано работиме на подобрување на техничката опшременост, но и на човечките ресурси. Обезбедена е работна облека и опрема, вработени се 5 нови пожарникари и засилена е координацијата на сите субјекти“, истакна градоначалникот на Крива Паланка, Борјанчо Мицевски.

    Директорот на Дирекцијата за заштита и спасување, Беким Максути, кој присуствуваше на свеченото предавање на донацијата, истакна дека ова е уште еден доказ за институционалната соработка помеѓу различните институции во државата.

    „Ова е доказ и за посветеноста на раковдните лица и соработката со пријателите за да се зголемат нашите капацитети за одговор при секакви предизвици. Крива Паланка е пример за тоа“, рече Максути.

    Инаку, за споредба, во Противпожарната заедница на Загорје на Сава има 1600 пожарникари, кои работат на доброволна основа, а од нив 360 се жени. Во секое населено место има противпожарни друштва, опремени со возила и доброволци, кои делуваат превентивно и правовремено.

    „Словенија има 150-годишна традиција во противпожарната служба и сме на многу повисоко ниво. Нашата работа не познава граници и ќе продолжиме во наредните години да ги помагаме земјите од бившата СФРЈ, и со опрема и со искуство“, порача Иван Поточник, претседател на Противпожарната заедница на Загорје на Сава.

    Пред непол месец, тие донираа возило и на општина Чаир.

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk