Зачленете се во нашиот клуб на читатели и најновите текстови ќе ги добивате на вашата мејл адреса
Голем дефект е пријавен на главниот челичен доводен вод Ф/508 од селото Липково до Филтер станицата во Куманово, на место каде што имало нелеглно приклучен објект на водоводна мрежа.
Оперативните екипи на ЈП „Водовод“ Куманово веќе се на терен и работат на санација на пукната водоводна цевка.
„Сите расположиви екипи се на терен, не предвидуваме дека ќе дојде до прекин на водоснабдувањето на градот, но во нашата работа никогаш не можеме да тврдиме однапред. Очекуваме дека Куманово нема да почувствува последици од овој дефект. За секоја промена на состојбата јавноста ќе биде навремено информирана“, објасни Бобан Петрушевиќ, од ЈП „Водовод“ Куманово.
Врнежливиот и свеж ден навестува дека потрошувачката на вода нема да е премногу голема, а во извесни период од денот можно е да има намален притисок во домаќинствата, тврдат познавачите на состојбата.
Во известувањето на официјалната страна на претпријатието се вели: „Дефект на главен челичен доводен водоводен вод Ф/508 од с. Липково до Филтер станица, дефектот е на позиција на претходно изведено нелегално приклучување, поради комплексноста на дефектот можно е затворање на главниот доводен цевковод Ф/508, дефектот се наоѓа во атар на село Липково“.
Зачленете се во нашиот клуб на читатели и најновите текстови ќе ги добивате на вашата мејл адреса
