Градоначалникот на Крива Паланка ќе биде достапен за граѓаните и за викендите

Во текот на целата работна недела ќе има приемен ден за граѓаните, во малата сала на општината, од 8.00 - 10.00 часот, а ќе биде достапен и за време на викендите, односно секоја сабота, од 9.00 – 11.00 часот.

„Како што ветивме, со цел за подобро и ефикасно функционирање на локалната самоуправа и континуирана и навремена комуникација со граѓаните, секој ден ќе се реализира приемен ден за средби, консултации, информации и запознавање со проблеми и потреби што ги имаат граѓаните. Истовремено, отворени сме и за различни идеи, предлози и сугестии од кои би можеле да произлезат идните приоритети на општината“, истакнува Митовски.

Во случај на итност и неодложност, како и други оправдани причини, граѓаните можат да остварат состанок со надлежниот службеник, секој ден од понеделник до петок, во текот на целото работно време.