Зачленете се во нашиот клуб на читатели и најновите текстови ќе ги добивате на вашата мејл адреса
Во галерискиот простор на НУ Центар за култура од Крива Паланка, утре (25 март), во 18 часот, ќе биде отворена изложбата „Графики и цртеж“ од академскиот графичар Стефан Младеновски.
Ова е негова прва самостојна изложба во родниот град.
Младеновски е роден 1996 година во Крива Паланка. Средно образование завршува во ДСУЛУД “Лазар Личеноски” - Скопје, а дипломира на Факултетот за ликовни уметности – Скопје во 2020 година, оддел графика, со насока конзервација и реставрација, во класата на проф. м-р Зоран Јакимовски. Апсолвент е на постдипломски студии на истиот факултет на катедрата по графика. Член е на ДЛУМ од 2020 година.
Добитник е на Студентската награда за графика “Драгутин Аврамовски – Гуте” и на Специјалната награда за развој на современата графичка уметност на 10-то Меѓународно графичко триенале во Битола.
Досега има реализирно повеќе самостојни и голем број групни изложби, а учесник е и на повеќе ликовни колонии и работилници.
Зачленете се во нашиот клуб на читатели и најновите текстови ќе ги добивате на вашата мејл адреса
