Зачленете се во нашиот клуб на читатели и најновите текстови ќе ги добивате на вашата мејл адреса
Во Градскиот музеј од Крива Паланка, вечeрва во 19 часот, ќе биде отворена самостојна изложба на дела на мултимедијалниот уметник Мице Јанкуловски, по повод 50 години творештво.
Јанкуловски, кој е македонски, но и светски признат сликар, карикатурист, аниматор, пишувач на палиндроми, последните 10 години е препознатлив по својата црна форма, односно делата што ги создава во исклучиво црна боја и со кои ја интригира светската јавност.
Покрај изложбата на дела на Јанкуловски, ќе биде промовирана и публикацијата „МИЦКО-Мице Јанкуловски/Сликарство/ Форма 3“, објавена во чест на 50-годишното творештво на авторот.
Изложбата ќе ја отвори Роберт Алаѓозовски, национален координатор за интеркултурализам и развој на културата при Владата на РСМ, а промотори се Корнелија Конеска, куратор и Жаклина Цветковска, новинар.
(Ж.Ц.)
Зачленете се во нашиот клуб на читатели и најновите текстови ќе ги добивате на вашата мејл адреса
