×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Кратово нема да организира прослава за патрониот празник

    16.02.2021 14:47 | KumanovoNews

     Општина Кратово ја откажа главната манифестација за одбележување на патрониот празник на градот „Свети Ѓорги Кратовски“, која секоја година се одржуваше на Градскиот плоштад на 24 февруари.

    Кратово нема да организира прослава за патрониот празник

    Поради пандемијата и почитување на здравствените протоколи, централниот настан ќе изостане годинава, а чествувањето на заштитникот и патрон на Кратово ќе се одбележи само во црковниот храм Свети „Ѓорѓи Кратовски“, со утринска богослужба.

    Според житието, Ѓорги Кратовски е роден во Кратово, каде го изучува кујунџискиот занает. Пред притисоците на турската власт, кои собирале т.н. данок во крв и младите момчиња ги правеле јаничари, побегнал во Софија.

    Но, и таму жестоко ја бранел христијанската вера и не сакал да го прифати исламот, заради што бил затворен и мачен, а на 24 февруари 1515 година, на 18-годишна возраст, и спален на клада во Софија.

    Православната црква подоцна го прогласила за светец, а во 1925 година, во негова чест, е изградена црквата „Св. Ѓорги Кратовец“.

    Во 2002 година,Советот на општина Кратово донесе одлука за прогласување на Св. Ѓорги Кратовски за заштитник и патрон на градот, со достојно одбележување во негова слава. Тој се смета за заштитник на кујунџиите и златарите.

    (Ж.Ц.)