Зачленете се во нашиот клуб на читатели и најновите текстови ќе ги добивате на вашата мејл адреса
Социјалните потешкотии на учениците со посебни потреби се во фокусот на Еразмус+ проектот „Една мисија, една визија, еден фокус“, што го спроведува ООУ „Јоаким Крчовски“ од Крива Паланка со своите европски партнери од Романија, Италија, Словачка и Турција.
„Проектот се спроведува во рамки на програмата на Националната агенција за Европски образовни програми и мобилност, финансиски поддржана од Европската унија. Работиме на темата за децата со посебни потреби, поконкретно за социјалните потешкотии на овие ученици. Во проектот се вклучени вкупно 15 наставници од ООУ ,,Јоаким Крчовски“, кои во наредните пет
дена, заедно со своите колеги од државите- партнери, во Крива Паланка ќе реализират активности од проектот, вели координаторот на проектот Гариела Стојановска од ООУ „Јоаким Крчовски“.
Во рамките на посетата на европските партнери, градоначалникот на Крива Паланка Сашко Митовски нагласи дека размената на искуства и знаења, како и заедничката интерактивна настава и активности во рамки на проектот, претставуваат огромен капитал на знаење на наставниците, професорите и учениците.
„Ние како општина ги поддржуваме сите проекти кои се во интерес на учениците и наставниците во областа на образованието, а едукацијата на младите кадри е од особено значење за целото општество“, истакна Митовски.
Зачленете се во нашиот клуб на читатели и најновите текстови ќе ги добивате на вашата мејл адреса
