Зачленете се во нашиот клуб на читатели и најновите текстови ќе ги добивате на вашата мејл адреса
Во рамки на „Европска недела на мобилност“ денеска на подрачјето на Куманово и на Крива Паланка, од страна на полициски службеници од СВР Куманово во соработка со претставници на Општински совет за безбедност на сообраќајот на патиштата, се реализираа превентивни активност преку симболичното манифестирање на заедничко возење велосипеди во придружба на полициските службеници низ централните градски подрачја на двата града.
„Во рамки на „Европска недела на мобилност“ СВР Куманово се вклучи со секојдневните активности за зголемување на безбедноста во сообраќајот намалување на сообраќајниот метеж, како и намалување на бројот на жртви и повредени лица при сообраќајни незгоди. Се спроведуваат едукативни работилници со ученици во основните училишта, разговор со граѓани и делење едукативен материјал на критични и фрекфентни локации како и во непосредна близина на учили штата“, изјави портпаролката Ивана Младеновска.
Притоа, покрај промовирањето на безбедноста на велосипедистите во сообраќајот, се промовираше и велосипедот како мобилно и алтернативно превозно средство.
Во оваа прилика од страна на полициските службеници на велосипедистите им беше укажано на потребата од почитување на сообраќајните правила и прописи и носењето кацига, како и носењето рефлектирачки елек во услови на намалена видливост за време на возењето по патиштата. Полициските службеници, заедно со ОСБСП практично ја промовираа употреба на алтернативните форми на мобилност, посебно велосипедизмот не само заради подобрување на безбедноста во сообраќајот, туку и заради криерањето на поздрава животна средина.
Зачленете се во нашиот клуб на читатели и најновите текстови ќе ги добивате на вашата мејл адреса
