Зачленете се во нашиот клуб на читатели и најновите текстови ќе ги добивате на вашата мејл адреса
Над 40 километри земјени патишта се оштетени во невремето што деновиве ја зафати и општина Крива Паланка, која беше подогена од обилни врнежи од дожд и град.
Градоначалникот на Општина Крива Паланка, Сашко Митовски, ја повика Владата да обезбеди државна помош и поддршка од надлежните национални институции и претпријатија за справување со штетите од невремето што општината не е во можност сама да ги санира.
„Бараме државна помош за брза санација и ефикасно справување со последиците, со цел избегнување поголеми проблеми за локалното население во руралните средини и големиот број оддалечени села каде се настанати штетите. Општина Крива Паланка работи темелно, но решавањето на настанатата состојба, но не е можно без неопходната поддршка од надлежните институции“, изјави градоначалникот Митовски.
Само за потсетување, по силното невреме во јуни минатата година, Општина Крива Паланка заедно со ЈП Државни патишта и тимовите на инженерскиот вод на АРМ,како и со сите локални служби и расположливи човечки ресурси, успеа навремено да ги санира штетите и да ги врати во првобитна состојба локалните патишта .
Зачленете се во нашиот клуб на читатели и најновите текстови ќе ги добивате на вашата мејл адреса
