Липково ќе добие Дневен центар за деца со попреченост

Провајдерот ќе ја спроведува услугата во Дневниот центар за деца со попреченост, лоциран во селото Оризаре. 

„Услугата обезбедува дневно згрижување, превентивни и социјални активности, едукација и стручна професионална поддршка и интервенција за децата со попреченост од населените места во општината“, соопштуваат од Министертсвото за труд и социјална политика.

Оваа социјална услуга, како дел од спроведувањето на сеопфатната социјална реформа во земјава, е финансиран од Проектот за подобрување на социјалните услуги, што го спроведува Министерството за труд и социјална политика со поддршка на Светска банка. 

Промоцијата на Дневниот центар за деца со попреченост ќе биде денеска во 14 часот, а ќе присуствува министерка за труд и социјална политика, Јагода Шахпаска.