Зачленете се во нашиот клуб на читатели и најновите текстови ќе ги добивате на вашата мејл адреса
Директорот на КПУ Затвор Куманово Ненад Цветковиќ и градоначалникот на Општина Крива Паланка, Сашко Митовски потпишаа договор за деловно-техничка соработка, која се однесува на ангажирање на осудени лица, кои отслужуват казна во отвореното одделение во Крива Паланка, за потребите на општината.
Овие затвореници ќе извршуваат општокорисна работа и ќе бидат ангажирани за потребите на ЈП „Комуналец“ Крива Паланка.
„Преку овој ангажман им се помага на овие лица во процесот на нивната ресоцијализација и реинтеграција во општеството, а воедно се дава значителен придонес за одржување на хигиената и на почиста животна средина во општината“, истакнува Митовски.
КПУ Затвор Куманово досега има спроведено неколку вакви акции, кои наидоа на позитивна реакција од сите граѓани, а планираат со истите да продолжат и во иднина.
Зачленете се во нашиот клуб на читатели и најновите текстови ќе ги добивате на вашата мејл адреса
