×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Изумира грнчарскиот занает во Куманово

    25.11.2015 10:25 | KumanovoNews

    Како и многу други занаети, и грнчарството во Куманово изумира.

    Изумира грнчарскиот занает во Куманово

    Татјана Арсовска цели 17 години се занимава со овој занает, а семејството на нејзиниот сопруг цели 50 години го негува грнчарството.  Работилницата им е во Долно Којнаре, а производите ги продава на Зелениот пазар во Куманово. Вели дека оваа работа е тешка, но истовремено многу креативна. Изработува грниња, стомни, тави.

    Многу е тешко, се работи со земја. Додека едно грне да биде за продажба треба три пати да се пече. Каначе и грне е најтешко да се направи. Се прави за еден час, а потоа се суши, па се пече еднаш, два пати. Младите не се интересираат за овој занает. Занаетот умира затоа што никој не го прифаќа. Ние колку ќе издржиме толку. Сакаат полесна работа, а ова е малку потешко. Грнчари има двајца во Куманово, ние и еден во Табановце. Чинии најмногу се трошат, тавчиња послабо, кога има слава - рече Арсовска.

    Таа објаснува дека порано можело да се живее од оваа дејност, а во денешно време пазарот е преплавен со ефтини кинески производи и тешко се опстанува само од грнчарство. Арсовска смета дека во училиштата треба да се воведе грнчарството за да се заинтересираат младите генерации.

    Мислам дека во школо треба да се учи, затоа што тоа е доста убава работа, но треба и да ја прифатат децата. Мене ме исполнува. Кога ќе седнам да ги шарам грнињата, има тркало долу кое се движи со ногата. За мене е интересно, за другите не знам - вели Арсовска.

    Арсовска на нејзините две деца им го пренесува своето знаење, но сепак младите бираат професии кои се атрактивни и кои носат добра заработувачка.