Зачленете се во нашиот клуб на читатели и најновите текстови ќе ги добивате на вашата мејл адреса
По повеќе од две недели од домашното дерби во БИБЛ, екипите на КК Куманово и Навико Академија ФМП денеска повторно ќе ги одмерат силите но овој пат во рамките од домашното првенство.
Фото: www.facebook.com/kumanovokk/
Предходниот натпревар беше цврст, неизвесен, одигран на мал број на поени и дефинитивно потсети на некои класични кошаркарски натпревари од деведесетите. Во тој дуел гостите од Кисела Вода беа поумешни во завршницата и на крај ја однесоа победата.
По тој натпревар за Куманово следуваше релативно тежок распоред во кој не забележаа победа, а одиграа натпревари против ТФТ Баскет и МЗТ Скопје. Академија ФМП доби засилување во американецот Бре Ајви и во домашното првество забележа две победи против Кожув и Еуро Никел.
Во БИБЛ лигата двата тима беа поразени од Хапоел Галил од Израел.
Куманово со скор од една победа и три порази се наоѓа на единаесетата позиција на табелата, додека ФМП се осми со две победи и два пораза.
Натпреварот се игра во салата на училиштето Перо Наков со почеток во 19 часот, а директен пренос од натпреварот може да се погледне на следниот стрим.
Зачленете се во нашиот клуб на читатели и најновите текстови ќе ги добивате на вашата мејл адреса
