Екипата на Ѓорче падна во Куманово

Во 4. коло од натпреварувањето ракометарките на Куманово покажаа дека се подобри од противникот, но резултатска разлика беше неизвесна до крајот на првата половина кога кон 23-тата минута направија предност од 4 гола разлика која до крајот на полувремето ја одржуваа и на одмор отидоа со резултат 13:7.

По паузата од 15-тина минути ракометарките на теренот се вратија одморени и мотивирани за остварување на нови поени на табелата.

Противникот по предноста од 6 гола разлика која ја направи домашниот тим беше немоќен против и дома замина со негатива од 4 гола.

Најефикасни играчи во домашниот тим беа А. Боризовска со постигнати 6 гола и М. Паневска со 5 гола.

Денеска младинскиот состав на ЖРК Куманово, на домашен терен беше совладан од екипата на Велкова 5 од Скопје со резултат 7:13.

Следен натпревар од 5. коло во домашното натпреварување, ракометарките го играат наредниот викенд на гостински терен против екипата на Универс во Гостивар.