КК Пинк Пантери се кадетски вицепрваци на Македонија

Ова е најголем успех на тимот на Пинк Патнери, а воедно и најголем успех на младинската кошарка во нашиот град. Од тимот се задоволни со постигнатите резултати, и најавуват дека продолжуваат со работата со младите категории.

Ова е за нас најголемиот успех во нашата историја а тој има дополнителна тежина затоа што нашата екипа е составена од кумановски кошаркари, членови на нашиот клуб. Тимовите на МЗТ и Работнички се селетирани од цела Македонија што покажува дека има кошаркарски потеницијал во нашиот град - изјави директорот на клубот Бојан Златковски.

Тимот на Пантери до финалето дојде преку екипата на Работнички со која одиграле интересна и незвесна серија. Златковски смета дека тимот изгорел во желбата за победа, меѓутоа потенцира дека и тоа е дел од калење на играчите.

Во полуфиналето го победивме Работнички. Најпрвин изгубивме на гостински терен, потоа победивме во Куманово, а во мајсторката во Градки парк извојуваме победа за финале. Против МЗТ загубивме во двата натпревари, иако тимот не го покажа целиот свој потенцијал. Навистина е за поздрав тоа што во Куманово мечот го игравме пред 1500 публика, што е огромен број за младински натпревар. - додава Златковски.

Дека во оваа екипа на Пинк Пантери има квалитетен состав покажува и фактот дека четири играчи од овој тим се повикани на поширокиот список за Еврпското првенство за Кадети кое ќе се одржи во август во Софија. На списокот се наоѓаат Андреј Антевски, Мартин Ѓеоргиевски, Христијан Петрушевки и Јаков Мициќ.

Оваа екипа следната година ќе се натпрварува во кагегоријата до 18 години, а во кадетската категорија ќе влезе тимот на играчи родени 2001/2002 година (М-14), кој има потенцијал да направи голем резултат.

Ова се навистина силни играчи, кои за одредено време би можеле да имаат запазена улога во сениорските лиги. Клубот смета на овие играчи и со работа ќе имаме сериозна екипа која ќе игра сериозен настап во сениорските првенства. Ние ќе направиме се да ги развиеме овие играчи во вистинска насока - заклучи Златковски.