Кожув без прв тренер пристигнува во Куманово

Овие две екипи ќе го играат заостанатиот натпревар од второто коло. Домашниот тим по вчерашниот пораз ќе се обиде да ја забележи втората победа на домашен терен во Суперлигата и да ги сочува шансите за пласман помеѓу првите четири екипи.

Кожув доаѓа во Куманово без првиот тренер Милош Пејиќ, кој доби едногодишна суспензија поради инцидентот со судиите во мечот против Работнички. Покрај него, казни добија и играчите Шепа, Дунџерски, Јањушевиќ и Главчев кој ќе го пропуштат натпреварот од четвртото коло против тимот на Фени Индустри.

Куманово уште еднаш е жртва на нелогичностите во правилникот пропозициите за натпреварување. По инцидентот меѓу Работнички и МЗТ во првиот дел од сезоната, тимот од Центар беше казнет неколку меча со празни трибини. Меѓутоа бидејки се играше заостанат натпревар Куманово играше во полн Градкси парк. Овој пат играчите кои физички нападнаа судии, ќе бидат дел од утрешната средба во Спортската сала.

Кожув е последен на табелата со 27 бода и ова можеби е последниот воз за гевгеличани во борбата за Плеј-оф. Куманово има за цел да ги добие сите натпревари на домашен терен, а по вчерашниот пораз од Соколи утрешната победа има поголемо значење.

Натпреварот се игра во 19 часот во Спортската сала во Куманово.