Куманово го победи лидерот на табелата

Гостите покажаа дека не случајно се лидери на табелата и пружија солиден отпор во овој натпревар. Брзата трансформација од одбрана во напад и одличниот шут ги држеше Соколи едно полувреме во игра. Сепак Куманово во одличната атмосфера во Спортската сала успеја по паузата од полувреме да стигне до предност од максимални 20 поени разлика. По тоа следуваше и брза реакција од Соколи, пред се од Казарновски кој со неколку тројки успеја да ја смали разликата на 11 поени.

Веројатно мал импулс им требаше на гостите да направат пресверт, меѓутоа тој не се случи на овој натпревар. Куманово ја консолидираше одбраната во последниот период, а шутот на Соколи „застана“ по што натпреварот отиде во мирна завршница. Конечен резултат на мечот беше 93-80.

Бојан Трајковски беше најефикасен поединец на натпреварот со 29 поени и 10 скока. Мандиќ имаше добар натпревар со 17 поени. Кај Соколи, Казарновски постигна 18 поени.

Со оваа победа Куманово напредуваше до четвртата позиција на табелата со пет победи и пет порази. Следниот натпревар Куманово го игра против екипата на Бест.