Куманово преку Кожув ќе бара место во Топ6 екипите во БИБЛ лига

Кожув има 9 последователни порази во БИБЛ натпреварувањето и е единствената екипа која нема никакви шанси да пројде во следното коло. Во домашното првенство, минатото коло загубија од тимот на Работнички.

Покрај Куманово 2009, идентичен скор на табелата имаат и екипите на Крајова, Балкан и Пеќ, кои ќе се борат за завземање на петтата и шесттата позиција.

Куманово мора да забележи победа во последниот натпревар од БИБЛ лигата, како би ги зголемил шансите за пласман во разигрувањето за Фајнл-фор турнирот.

Екипата на Крајова како и Куманово, утре го игра последниот натпревар во регуларниот дел од сезоната. За разлика од нив, тимот на Балкан има да одигра уште три натпревари(Теодо, Левски, Пеќ), а тимот на Пеќ уште два(Галил Гилбоа, Балкан), па по одигрувањето на сите натпревари појасна би била сликата околу тимовите кои ќе го продолжат регионалното натпреварување.

Галил, Сигал и Левски се борат за пласман на првите две места, кои водат директно на Фајнл-фор турнирот. Во следните натпревари тие се среќаваат против екпите на Балкан, Крајова односно Пеќ, што ги зголемува шансите на Куманово за пласман понатаму.

Табела:

1. Галил Гилбоа 24(10-4)
2. Сигал Приштина 23(9-5)
3. Левски 23(9-5)
4. Теодо 22(7-8)
5. Куманово 2009 21(6-9)
6. Крајова 21(6-9)
7. Балкан 20(7-6)
8. Пеќ 20(6-8)
9. Кожув 18(4-10)