11. 09. 2020 12:52

Кумановски атлетичари освоија 8 медали на Државно сениорско првенство во Охрид

Кумановски атлетичари освоија 8 медали на Државно сениорско првенство во Охрид

На Државното сениорско првенство во атлетика, кое минатиот викенд се одржа во Охрид, атлетичарите на Атлетскиот клуб Куманово постигнаа извонредни резултати, со освоени 5 златни, две сребрени и една бронзена медала.

Најдобри на натпреварувањето беа и со златни мeдали се закитија: Матеја Ефремовска во скок во далечина и фрлање диск, Дијана Вукановиќ на 400 метри, Марјан Нојковски во фрлање на ѓуле и Марија Дувлис на 100 метри пречки. Втори места освоија: Гилман Јунузи на 800 метри и Дијана Вукановиќ во својот втор настап на 400 метри пречки, додека Марија Дувлис заврши трета во скок во далечина.

„Имавме одличен настап како и предходните државни првенства за младинци и помлади младинци, но ова е најважното и најзначајното првенство, бидејќи е сениорско“, - изјави тренерот Филип Колевски.

Првенството беше во организација на Атлетската федерација на Македонија.

Овој викенд Дијана Вукановиќ ќе настапи на Балканското првенство за младинци под 20 години во Истанбул, Турција.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk