Новак Ѓоковиќ со пласман во 3. коло во Париз

Вториот носител Новак Ѓоковиќ имаше доста проблеми да го скрши отпорот на младиот Французин Пјер Иг Ербер, моментно 189. тенисер на АТП-листата.

Ѓоковиќ се доведе во ситуација да спасува две сет топки на противникот во при водство на Ербер од 6-5 во првиот сет.

Веднаш потоа Новак рутински го доби тајбрејкот, кршејќи ја самодовербата кај противникот, па Србинот потоа лесно го доби и вториот сет со 6-3, откако поведе со убедливи 5-0.

Негов следен противник ќе биде победникот од дуелот Изнер- Пшисјешни.