Пингпонгари со телесен инвалидитет од Македонија и Србија се натпреваруваа во Куманово

Натпреварувањата беа во три категории, а настапија 10 пингпонгари од земјава, меѓу кои Страшко Коцевски и Небојша Ташиќ од Куманово, како и 7 спортисти од Србија.

Најдобри резултати постигнаа:

Во класата 3-5, првото место му припадна на Бојан Стаменковиќ (Србија), второто на Милош Стојилковиќ (Србија), а третото на Зоран Јовановски (Струмица).

Во класата 6-8,  првите две места им припднаа на Србите Никола Јовановиќ (прво место) и на Милан Антиќ (второ место), а третото на Рубино Ристески (Прилеп).

Во трета класа 9-10,  првото место му припадна на Дарио Стошиќ (Србија), второто место на нашиот кумановец Страшко Коцевски, а третото место го  освои Милош Тасиќ од Србија.

Турнирот го отвори градоначалникот на Општина Куманово Максим Димитриевски, кој истакна дека во иднина ќе се обидат турнирот да го подигнат на повисоко ниво и да го направат традиционален, а со тоа и да има учество ина спортисти од поголем број на држави.

Организатор беше Сојузот за спорт и рекреација на инвалиди-Куманово во соработка и финансиска поддршка од Општинскиот сојуз на спортови Куманово, а беше организиран по повод одбележување на јубилејот 500 години Куманово, во рамките на „Куманово-Европски град на спортот за 2019 година“.