Куманово, шампионот и освојувач на Купот, само со една ракометарка во репрезентацијата

Голманката Марија Јовановска е единствената ракометарка која е повикана во ЕХФ репрезентативната недела, додека како резервни ракометарки од ЖРК Куманово на списокот се најдоа Јована Кипријановска и Наташа Нолевска.

Фото: https://macedoniahandball.com.mk/

На списокот не се најде ниту кумановската Александра Боризовска, која моментално настапува за тимот на Умаг - Хрватска, а предходно речиси редовно беше дел од женското репрезентативно друштво. 

Собирот е закажан за денеска во хотелот Александар Палас, а за подготовките се за два контролни натпревари против репрезентациите на Србија кои ќе се одиграат во сабота и понеделник во Стара Пазова. 

ЖРК Куманово ќе продолжи со натпреварите по репрезентативната пауза, каде што ќе гостува на тимот на Деспина. Во досегашниот дел од сезоната, Куманово има 10 победи во одиграни 10 натпревари.