Акција за приведување мигранти во Ваксинце

Првичните информации говорат дека полицијата затекнала 120  мигранти во селото, а дел од нив биле сместени во куќите. Се уште нема официјална бројка колку лица се приведени заради криумчарење мигранти, но пронајдено е едно лице кое се барало по потреница за убиство.

 Акцијата на МВР се спроведува една недела по репортажата на британскиот „Канал 4“ во која се тврдеше дека мигранти од Сирија биле држени како заложници во Ваксинце и се ослобудувале со откуп од 1.000 евра. Во репортажата мигрантите тврдат дека биле малтеретирани, ограбувани, а нивните девојки силувани од криминални групи.