Зачленете се во нашиот клуб на читатели и најновите текстови ќе ги добивате на вашата мејл адреса
Топломери, перници и постелнини денеска донираше здружението „Бадникови поворки“ на Општата болница во Куманово.
Од здружението велат дека средствата кои оваа година ги собраа за поворката, која не се одржа поради коронавирсуот, одлучиле да ги пренаменат во хуманитарни цели, затоа што тоа е и основата на поворката.
„Oваа година на поинаков начин се одржуваа Бадниковите поворки поради корона-кризата. Дечињата не беа по улиците. Меѓутоа и оваа година нашата мисија е хуманитарна, беа поставени неколку пункта за донации и сакавме средствата да ги пренамениме на овој начин, затоа што мисијата на Бадниковите поворки се состои токму во добродетелта. Јас би сакала да се заблагодарам на сите, хумани граѓани кои ги донираа овие средства“, изјави Ана Денковиќ Антевска од здружението.
Претходните години собраните средства од донации беа наменети за купување на пакетчиња коишто беа делени на дечињата на поворката.
(Ф.М.)