Зачленете се во нашиот клуб на читатели и најновите текстови ќе ги добивате на вашата мејл адреса
Во сите средни училишта во Куманово денеска наставата се одвива нормално.
Минатата недела учениците протестираа и делумно ја бојкотираа наставата, поради воведување на математика како задолжителен предмет за полагање државна матура.
„Наставата си тече нормално. Нема поголеми отсуства освен оние регуларните“ - вели Горан Димитријевиќ, директор на Гимназијата “Гоце Делчев“.
Истото го потврдуваат и од “Перо Наков“, “Наце Буѓони“ и “Киро Бурназ“.
“Сите ученици се на настава. Минатата недела имаше делумен бојкот, но наставата не беше прекината. Дел од матурантите протестираа и не доаѓаа на часови, а прва, втора и трета година си работеа нормално“ - рече Весна Трајковска, директорка на “Киро Бурназ“.
Средношколскиот пленум викендов одржал состанок во Скопје, на кој е договорено барањата да ги достават до Министерството за образование и наука. Ако надлежните немаат слух за нивните барања, ќе следуваат протести во Скопје.
Зачленете се во нашиот клуб на читатели и најновите текстови ќе ги добивате на вашата мејл адреса
