×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    Болна старица една година заклучана во соба

    10.05.2010 15:57 | KumanovoNews

    Љубица Станковиќ (72) од Куманово една година живее заклучена во изнајмена соба во Пензионерскиот дом во Куманово. Неподвижна, гладна, жедна и валкана ја чувал нејзиниот внук, кој ја земал нејзината пензијата, а тетка си ја оставал без храна и елементарни услови за живот.

    Болна старица една година заклучана во соба

    ,Неподносливата смрдеа што почнала да се чувствува во ходникот на домот ги натерала соседите да се посомневат дека старицата можеби и не е жива и побарале од надлежните да преземат поконкретни мерки за нејзино згрижување.

    Човекот кој се претставува како син на нејзината сестра ја заклучи во собата  уште пред една година и оттогаш никој ја нема видено. Ја држеше под клуч за да не дознаеме што се случува со неа. Тој доаѓаше на неколку дена и и носеше едно лепче и јогурт и тоа е се. Не ја капеше, ниту и ја чистеше собата - велат пензионерите од соседните соби.

    Од пред неколку месеци старицата од изнемоштеност се шлогирала и цела зима ја поминала во студено без греење. И ја исклучиле струјата и водата, поради неплатени сметки.

    Кога ја отворија собата пред неколку дена имеше што да видиме. Се што и паѓало од храната на градите и беше буѓосано. Целото тело и е во рани, бидејќи врши нужда во постела и под неа се е мокро и скапано. Смрди, корне, неможе ни пред врата да се помине, а не во собата да се влезе - раскажуваат згрозено соседите.

    Роднината на Љубица бил насилен и тие се плашат да зборуваат за неговото однесување, бидејќи повеќепати им се заканувал. И нејзината пензијата од 7100 денари  ја земал без овластување. Сепак случајот повеќепати го пријавувале во Здруженито на пензионери во Куманово,  кое ги издава собите и треба да се грижи за своите станари и корисници. По нивна пријава постапиле од  Центарот за социјални работи, каде тврдат дека пред две недели дознале за случајот. По спроведената постапка во петок му бил одземен клучот на внукот и ја посетиле Љубица. Лекарот од Брза помош кој бил повикан да ја прегледа старицата, одбил да го стори тоа додека не ја искапат, но утврдил дека е прегладнета. Љубица денеска беше пренесена и сместена во Дом за стари лица во Куманово.

    Против внукот ќе биде поднесена пријава за семејно насилство.

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk