Зачленете се во нашиот клуб на читатели и најновите текстови ќе ги добивате на вашата мејл адреса
Бремените жени и лицата над 60 години од утре (19 јуни) до 23 јуни да бидат ослободени од работа, а децата во градинките да не се изнесуваат на отворено во периодот од 11 до 17 часот, се дел од препораките кои ги донесе Владата барање на Министерството за здравство, поради топлотниот бран што се очекува од утре да ја зафати целата држава.
Владата ги усвои препораките од Министерството за здравство за намалување на ризиците од високите температури, согласно Акцискиот план на Министерството за превенирање на последиците од топлотните бранови врз здравјето на населението, согласно коишто, за периодот од денеска /среда/ до недела.
Согласно препораките предвидено е:
1. Ослободување од работните обврски на најранливите групи население, односно: бремените жени и лицата на возраст над 60 години;
2. Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11:00 до 17:00 часот;
3. Единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица, бездомни лица;
4. Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавачите на обврската за почитување на законските прописи од оваа област.
Од Институтот за јавно здравје и Управата за хидрометеоролошки работи се добиени информации дека од 19 јуни до 23 јуни целата територија на Македонија ќе биде зафатена од топлотен бран од портокалова фаза.
Зачленете се во нашиот клуб на читатели и најновите текстови ќе ги добивате на вашата мејл адреса
