Бучен Козјак го прослави Светскиот ден на млекото

 Настанот беше организиран и посветен за вработените и нивните семјства, со акцент на најмалите, преку забава и анимација.

„Ова година се поканети нашите вработени со нивните потесни семејства, и сакавме да се посветиме на нашите најблиски колеги и соработници. Има голем број на активности и забава за дечињата, тука е нашата маскота кравичката која се наоѓа и на логото, Мики и Мини Маус, Пајо Паторот, ледената кралица Елса, аниматори, воздушен балон, замок за скокање, креативни ликовни работилници, штанд за гаѓање во мети за повозрасните машки деца и други друштвени игри“, објасни Тамара Димитриевска, вработена во Бучен Козјак.

Како општествено одговорна компанија, Бучен Козјак постојано поддржува  проекти за едукација и негување на вистинските вредности кај најмладите, со што дава придонес во градење на нивните личности. Затоа и овогодинешнава прослава ја посветија на потомците на своите колеги. 

Производите на Бучен Козјак се доминантни во потрошувачката кошница на купувачите, поради континуираниот квалитет и традиционалниот начин на производство, кој ги прави уникатни на пазарот, одвојувајќи ги од конкуренцијата. 

Производите на млекарницата се препорачани од Здружението на педијатри на Македонија.

Компанијата Бучен Козјак е основана во  1983 година, а низ својот развој чекори со јасна визија: „Да се откупува само квалитетно млеко и да се произведуваат природни млечни производи“. Природниот вкус на производите е тоа што ја прави млекарницата препознатлива на пазарот. Нивното долгогодишно постоење зборува за дисциплинираноста во работењето, а сето тоа е препознаено од страна на потрошувачите и е наградено со нивната доверба.