Зачленете се во нашиот клуб на читатели и најновите текстови ќе ги добивате на вашата мејл адреса
Сите основни и средни училишта од државата до 31 мај годинава, можат да се пријават на конкурсот за избор на најдобра веб страна, кој го објави Министерството за образование и наука.
Страната мора да има содржини на македонски јазик, а дополнително може да има навигација и повеќејазичност. Стручна комисија ќе ги разгледува и рангира пријавите, по што јавно ќе биде објавена листа на сите учесници на натпреварот. Најдобро рангираните ќе бидат повикани на јавен настан, на кој ќе ги презентираат своите веб страни, по што ќе биде прогласена најдобрата училишна веб страна (посебно за основни и посебно за средни училишта) за учебната 2014/2015 година.
Министерството за образование и наука на прворангираните училишта, ќе им додели пофалница како и по една интерактивна табла која ќе биде обезбедена со годишната набавка на интерактивни табли за учебната 2015/2016.
Зачленете се во нашиот клуб на читатели и најновите текстови ќе ги добивате на вашата мејл адреса
