Ќе се формира нова партија на Србите во Куманово

На политичката сцена во градот наскоро ќе се појави нова политичка патија на Србите. Партијата ќе се вика Српска партија во Македонија (СПМ) со седиште во Куманово. Нејзини основачи се луѓе од Куманово, кои деновиве собираат потписи за регистрирање на партијата.

Нивна целна група се Србите од Куманово и Старо Нагоричане, пред се луѓе кои биле политички активни, а не се задоволни од работата и раководството на постоечките партии на Србите. Треба да соберат 1000 потписи за да се регистрираат, па дури тогаш ќе се промовираат во јавноста - вели наш извор, на кој му било понудено да се приклучи на новата партија.

Во Куманово од партиите со српски национален предзнак функционира ДПСМ, која е во коалиција со ВМРО-ДПМНЕ и Српската напредна партија, која беше коалиционен партнер на СДСМ до пред локалните избори.