10. 08. 2020 09:34

Ќе се реконструираат пет училници во „Христијан Карпош“

Ќе се реконструираат пет училници во „Христијан Карпош“

Општина Куманово одвои 600.000 денари за реновирање на подовите на 5 училници во основното училиште „Христијан Карпош“, во населбата „Перо Чичо“.

Според директорката Лидија Костиќ, работите ќе започнат во текот на овој месец и ќе завршат до почетокот на новата учебна година.

„Тоа ќе значи многу за нашето училиште, бидејќи ќе се подобрат условите за работа на учениците и на вработените. Ќе се подобри хигиената и ќе се создаде подобар амбиент на учење и творење на нашите ученици“, - вели Костиќ.  

 Проектот е изработен на форумските сесии, преку проектот „Јакнење на општинските совети“, а се реализира преку УНДП.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk