Целодневен фестивал на Спомен - Костурницата ќе го обележи крајот на летото

17.09.2021 14:02 | Сара Ѓорѓиоска

 На Спомен-Костурница, утре со почеток во 11 часот ќе започне културно-музичка манифестација во организација на Wire Entertainment, независна музичка издавачка куќа од Куманово.

Целодневен фестивал на Спомен - Костурницата ќе го обележи крајот на летото

Фестивалот ќе биде комбинација на музичката и ликовна уметност. 

Музичкиот репертоар се состои од DJ-сетовите на Никола Наумовски, Игор Калц и Антонио Димитриевски, по што следат Авелина, Д.Н.О, КИ, PMG Kolektiv, Dado K & Mamli, кои ќе бидат надополнети со перформанс од Dance studio Ultra.
 
Посетителите ќе можат да видат изложба на фотографии на уметници: Ѓорѓи Антевски, Игор Манојловски Калц, Марија Јовановска, Марјан Јаневски, Ангел Миов, Часлав Марковиќ и други реномирани имиња од актуелната ликовно-уметничка сфера.

Влезниците за настанот се во форма на своеволна донација.

Фестивалот ќе се оддржи според сите утврдени заштитни протоколи пропишани од соодветните надлежни органи.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk